افسانوی فٹ بال کوچ سید عبدالرحیم کی زندگی پر بن رہی فلم میدان ، آئندہ سال جون میں ریلیز متوقع

Reading Time: 2 minutes

چارستمبر1962 جکارتہ ایشین گیمز کے فٹ بال فائنل میں ہندوستانی ٹیم کا مقابلہ طاقتور جنوبی کوریا کی ٹیم سے تھا۔ ہندوستانی ٹیم کے دو کھلاڑی زخمی تھے اورگول کیپر بخار سے متاثر!لیکن ٹیم کے کوچ رحیم صاحب نے کھلاڑیوں میں ایسا جوش و حوصلہ بھرا کہ تینوں کھلاڑیوں نے نہ صرف میدان میں اترنے کا فیصلہ کیا اور پوری ٹیم نے مل کر ایسا مظاہرہ پیش کیا کہ ہندوستان نے1-2سے جنوبی کوریا کو شکست دے کر گولڈ مڈل حاصل کیا – رحیم صاحب گذشتہ کئی سالوں سے کینسر سے متاثر تھے اس کامیابی کے ایک سال بعد 1963 سید عبد الرحیم کا انتقال ہوگیا –

سید عبدالرحیم کا تعلق حیدرآباد سے تھا۔ ان کی تربیت میں انڈین فٹ بال ٹیم نے سال 1951 سے 1962 کے ایشین گیمس میں اچھا مظاہرہ کیا تھا ۔اسی دور میں ہندوستان کی فٹ بال ٹیم نے 1956 ملبورن اولمپکس میں سیمی فائنل تک رسائی حاصل کی تھی جوآج تک بھی ہندوستانی ٹیم کا سب سے بہترین مظاہرہ ہے – اس دور کو ہندوستانی فٹ بال کا سنہری دور کہا جاتا ہے –

فلم میدان میں سوپر اسٹار اجے دیوگن عبد الرحیم صاحب  کے  کردار کو پیش کریں گے ۔جنوبی ہند کی معروف اداکارہ پریہ منی فلم میدان میں رحیم صاحب کی بیگم کاکردار نبھائیں گی۔فلم میدان میں رحیم صاحب کے ایک حقیقی پڑپوتے سید شاہد صہیب کو بھی ایک چھوٹا رول آفر کیا گیا ہے۔اس فلم کو بونی کپور ، آکاش چاولہ اور ارونا جوائے سین گپتا کو پروڈیوس کررہے ہیں کہ جبکہ فلم کے ڈائریکٹرامت رویندر ناتھ شرما ہیں

فلم میدان کا اعلان کا اگسٹ 2019 میں اعلان کیا گیا تھا لیکن کوویڈ کی وباء اور اس کے بعد کے حالات کی وجہ سے فلم کے پروڈکشن کی رفتار تعطل کا شکار ہو گئی تھی ۔ لیکن حالات بہتر ہوتے ہی فلمسازی دوبارہ شروع ہوچکی ہے تازہ منصوبہ کے مطابق فلم میدان کو 3 جون 2022 کو ریلیز کیا جائے گا ۔