کیا آپ آدھار کارڈ میں تاریخ پیدائش، پتہ ،تبدیل کروانا چاہتے ہیں؟ یہاں جانئے آن لائن طریقہ کار

Reading Time: 2 minutes

کارڈ میں کسی شخص کی بائیومیٹرک جانکاری جیسے فنگرپرنٹس اورآئیرس کے علاوہ معیاری دستاویزی معلومات مثلا نام، تاریخ پیدائش، صنف اور پتہ شامل کیا جاتا ہے۔

بھارت میں آدھار کارڈ کسی شخص کی شہریت ثابت کرنے کیلئے ایک اہم دستاویزات میں سے ایک ہے۔ پیان کارڈ، ووٹر آئی ڈی کارڈ یا ڈرائیونگ لائسنس کی طرح، آدھار کارڈ بھی کئی ایک موقعوں پر کام آتا ہے چونکہ آدھار کارڈ میں کسی شخص کی شناخت کے ثبوت کے ساتھ ساتھ تاریخ پیدائش، پتہ اور دیگر اہم جانکاری پائی جاتی ہے۔

آدھار کارڈ کیا ہے؟

آدھار کارڈ اپنی نوعیت کا ایک دستاویز ہے جسے یونیک آئڈینٹی فکیشن اتھارٹی آف انڈیا جاری کرتا ہے۔ یوآئی ڈی اے آئی کی طرف سے جاری کردہ اس بارہ ہندسوں والے انوکھے شناختی نمبر والے کارڈ میں کسی شخص کی بائیومیٹرک تفصیلات جیسے اکی آنکھوں کی پتلیوں کا عکس اور فنگر پرنٹ کے علاوہ عام جانکاری جیسے نام، صنف، تاریخ پیدائش اور پتہ شامل ہوتا ہے۔

اگر کوئی شخص اپنے آدھار کارڈ میں کوئی نئی جانکاری اپڈیٹ یا تصحیح کرنا چاہتا ہے تو وہ آسانی کے ساتھ کرسکتا ہے۔

آدھار کارڈ پر کونسی جانکاری اپڈیٹ کی جاسکتی ہے؟

فی الحال حکومت نے نام، پتہ، تاریخ پیدائش،عمر، موبائیل نمبر، ریلیشن شپ اسٹیٹس اور جانکاری کی شیئرینگ کی منظوری میں تبدیلی کی اجازت دی ہے۔

آدھار کارڈ میں موبائیل نمبر کو آن لائین کیسے اپڈیٹ کریں؟

آفیشئل ویب سائیٹ کھولیں۔

https://uidai.gov.in/ecosystem/enrolment-ecosystem/aadhaar-seva-kendra.html

تبدیلیوں کے بعد اپنی درخواست داخل کریں۔

اس بات کی تصدیق کریں کہ درخواست نامے میں صحیح رجسٹرڈ موبائیل نمبر درج کیا گیا ہے۔

سبمیٹ بٹن پر کلک کرنے کے بعد، آپ کی درخواست رجسٹر ہوجائیگی۔

آپ کو درخواست نامے کے حصول کے بعد ایک رسید بھی فراہم کی جائیگی۔

آدھارکارڈ پر پتہ اور دیگرجانکاری کو کیسے اپڈیٹ کریں؟

سرکاری ویب سائیٹ https://uidai.gov.in/ کھولیں۔

‘ اپڈیٹ آدھار’ سیکشن کو سرچ کریں اور اس پر کلک کریں۔ مثلاَ، اگر آپ کواپنا پتہ بدلنا ہے توہوم پیج پرنظر آنے والے ‘ اپڈیٹ ایڈریس ان یوورآدھار’ لنک پر کلک کریں۔

یہ ویب پیچ ایک نیا پیج کھولے گا جہاں آپ اپنا پتہ بدل سکتے ہیں۔

پھر، ‘ پروسیڈ ٹو اپڈیٹ آدھار’ لنک پر کلک کریں۔ یہ لنک آپ کو راست طور پر پورٹل پر آدھار کارڈ کی تفصیلات میں تبدیلی میں مدد دیگا۔